Phir koi ghazl sunaanay ko mera dil chahe
Phir ik shamma jalaanay ko mera dil chahe
Lo chalee thandi hawa, raat hui, gul mehkay
Phir zara jhoom ke gaanay ko mera dil chahe
Ho tera zikr, koi saaz chirray, dil dhadkay
Phir koi baat banaanay ko mera dil chahe
Aaj jagraata meri ankhon me mehmaan rahe
Phir koi khwaab sajaanay ko mera dil chahe
Laut ke aayen woh fursat ke din, woh aawaragi
Phir wohi qissa du'hraanay ko mera dil chahe
Rung hon, dill-kashi ho, paaniyon kaa mausam ho
Phir yunhi be-sabab muskaanay ko mera dil chahe
Post Comments